大禮物

冬至那天，城巴送了我一個大禮物.

那天在機場放工，神推鬼擁的改行另一條路搭車放工．不料就讓我遇上它．那一刻，我根本不相信我的眼睛．那是一輛全新的車，那一刻我的腦發出信息：你一定要上車．我替它匆匆拍下短片和硬照後，登車了.

我自己也是第一次搭乘，一切對我來說都很新鮮．整輛車的裝潢，坐椅，以至車長駕駛室也是很不一樣，我立刻取出相機拍照拍下這一切．

開車了，整車其實只有二十多三十人．很靜．車長說，駕新車有壓力，他也要慢慢習慣一下．車長沿途也不超速，只在一小段公路上超了速，車長一看到儀表所示便急急收油.那個moment 真的很有趣．

車到了市區，車長才知道GPS沒有input data,他以人手嘗試按報站，但不成功．,我也嘗試按，都是不成功，但最少讓我知道這款報站是如何運作，還見到其他路線的data,又是收穫之一．

還有，下車門，升降地台，油門，腳掣和手掣的關係我也弄明白．原來與上一代的車款又是另一種操作方法．又是收穫之一．

說回那個壞了GPS的報站，怎辦？用真人作三種語言廣播好了．

我搭這程車到市區的總站，並在市區總站拍照．之後，車長問我搭回程車嗎？我說好，很快便登車了．

沿路遇上大塞車，車長說了很多我從未聽過的事，也交換了看法．可說是又了解得更多．之後，車長，車長對車的熟習提高，比之前開得快了一點．礙於怕影快相的關係，他沒有把車開得很快，但車速已令我相當滿意．

臨下車前，車長說很高興有人能和他一起分享駕新車的喜悅和減少壓力，他也多謝我．

這個冬至，甚至是整個2007最開心的是城巴送大禮.這份禮對我來說是真的難忘

林憶蓮Live 07演唱會

因為我係staff,睇左其中三場，發覺:
1)star hall ｄ音響唔好，好大回音
2)ｄ800蚊位坐ｄ椅同你飲茶果ｄ一樣
3)star hall好吊腳，又唔夠shuttle bus,但又唔比停的士
4)Securestar 班實ｑ真係聽歌
5)憶蓮唱concert同唱CD無乜分別

真心還是假意?

返左一份Temporary Data Entry Clerk , 都幾ok架
開心的是，　呢個年代竟然還有人贊我醒目
不管是真心還是假意，　人開心就是了．

接著下來的那一份part-time,
會更有挑戰性
至於做d乜，　遲d話你聽

不寒而慄

今天入了去機場interview, 本身都很順利，點知..........

我聽到個interviewer 同佢同事講話要整一場大龍鳳．那時我已心知不妙．
隨後一路in 下去，我都繼續小心留意他的說話和眼神，他叫我等消息．我想，啊，真的脫苦海了 ．

立會補選之

竟然係葉劉對陳太，其實好失望兼好多個問號

• 泛民無人喇?要出陳太
• 陳太葉劉而家睇都係50:50,無人有優勢
• 兩人都不在狀態
• 其他果d 第二梯隊又無份，不如退黨好過啦
• 投票率會有幾高?
• 葉劉認為陳太未能完全放下身段，但葉劉本人自己說話的態度同廿三條果時亦相差不遠，又一有口話人無口話自己之最佳例証

一路打落去之前，我想講：

大家睇落去之前，我認為有必要補充一d野：

• 2007/8/30 我係度打"有工請我"，果份part-time 係好做既．同上司保持良好關係

• 2007/9/12 我打話"Once I found a better, I quit"果份係full-time job, 係第二份工，我覺得係唔好做，所以我Quit 左

Why I quit? Because full-time 果份開頭都有d寄望，但越做越覺得無前景，同埋不習慣那種做事方式．在full-time job呢度，我學到好多野，第一係估老細諗乜，第二係同佢做埋，第三反應要快．

其實仲有好多好多，不過唔想打．上列三點有部分不符我的價值觀．人很難一時適應，便遭痛罵，他亦會叫你讀多幾年書先出黎做野．某程度上都認同．　

但都不夠一句一係你自己辭職，一係我逼你辭職那樣精彩；跟尾仲有句叫你自動消失，事已至此，你還會留在這公司嗎？

浪費青春

份工講都無謂，浪費青春．once i found a better, I Quit!

終於找到工了

終於找到工了！

那是一份要到處跑的工作，但我不介意，拿經驗最緊要!

MARKET PLACE逛後記

我一直恨MARKET PLACE 來香港好耐，上次去過台北101間分店，可算得上是大有斬獲．買到好多新鮮生果同綠茶. 哈哈，終於來香港了．

我去果間係九龍灣德福果間．間野本身都唔係大，遇著 多人就好迫同好焗．
不過要講返課貨物本身，基本上無問題，都有好多生果賣，亦有我最喜愛的日本飲品，那當然要購買一Ｄ返屋企啦．

我睇報紙講，MARKET PLACE 遲Ｄ係朗豪坊開分店,YEAH!

爭議席

馬力死左,港島區的立法會空缺自然要有人填補.問題來了,誰當選的機會最大?
葉劉?何秀蘭?范國威?陳淑莊?還是其他人?

我也不懂也不願估.上屆李柱銘胡亂告急導致何秀蘭不能入局,令泛民平百蝕了一席.今次會否好好協調才推人參選就是泛民能否勝利的關鍵.

至於葉劉,我信會有人替她動員拉票,所以不用太擔心.剩下來的,就要看葉劉自己的造化了.

寫錯cv

寫錯cv,一件不可原諒的事,就發生在我身上.

我把入學日期由1995錯寫成1994,不可原諒吧!
已寄出的過百封求職信所載的履歷表
是無可挽回

在此刻,心很亂.
我正在想：如何解釋寫錯cv

這是一個很好的教訓，教訓自己be careful

JointPublishing之interview後記

今天謝謝有勢力人士(並非黑社會)相助，我終於可以去Joint Publishing見工．去到坐了一陣，那位負責in 我的人到來了，於是她領我進了一間會議室．

入了去，問的問題也是很大路的問題，恕我懶惰不打了．但我認為有一條是必需打的．”你與有勢力人士是甚麼關係？”當下我打了一個突，但我也如實相告．她聽完也笑了．

回到現實，她要問問上司才知道，約一星期後有回覆．

不論如何，我也要多謝這位有勢力的人士在背後鼎力相助．謝謝你!

Joint Publishing之我要in好呢份工

多謝我大佬打晒人情牌，Joint Publishing給了我一個機會去interview.為了不辜負大佬和大家的期望，我要in好呢份工!

真的是天意弄人？

真的是天意弄人?

今天去in Legco秘書處的工作，我的表現是完全失準了．到了測試的最後，我才發覺原來他們有安裝手寫輸入．已經到了要交卷的時侯，真的是來得太遲.......

幸好其他的英文打字,word,excel,中英文寫信我還能應付．現在怎麼辦？唯有多練速成.........

見工以外

見工以外我就做回自己了，就像今天搭的102和962都很不錯．若要評分的話，962會獲得較高分，因為開得較快．今天搭的102不是慢，但在炮台山看到前車就收油了，這個比較失望.

Miss Amanda, 請你回我電話吧！

我也知，這是我的不對，今天只顧在Apita 買綠茶和玄米茶．最多我買多幾支給妳和妳的同事吧！Miss Amanda, 請你回我電話吧！

五里迷霧

見的工種類越來越多了，各行各業也有．但很可惜的是，我依然未能成功找到工作．在打此文之前，我正在反覆回想我的面試表現是否很差呢？究竟我還能做甚麼才能使自己表現更好，成功找到一份工？

學歷我也知不算是優異，但我也有在學業上努力過；工作經驗雖然短，但對我而言是學懂了很多，而且全不曾在課堂上教授過．

現在，人變得有點不知所措，如墮進五里迷霧之中　

見第二次工後記

我想我要學的事還有很多！我的應對技巧有待改進，給人一點落差；　中英文打字速度都是不太理想；中文輸入更慘，根本不明白倉頡和速成究竟如　何拆碼，就算是最常用的廣東話輸入法也不是很快．唉.........對自己很失望,就像辜負了別人一樣......................

找工了

找工了

這可是我的第一次正式找工作，之前那個不算

我又很面懵的用電話去應徵一份工作

我想我還要碰很多壁.

元朗－１８上水小巴

元朗－１８上水小巴相信都有不少人坐過，但我還是第一次坐．

其實這車開得不算快，它途經粉錦公路前往上水．我第一次到錦田，發覺這裏跟市區有很大分別，彷佛來到另一個地方，那種悠閒感覺非筆墨可形容．
之後，我看到很多賣舊車，左O太車的公司，有著各種不同的車．最令我著迷是有一間左O太車公司把一些新款車，例如VOLKSWAGEN TOURAEG,AUDI A6 2.8泊在公司門口，真的不錯．

小巴來到八鄉消防訓練學校一帶，發覺這裏的樹長得又高又密，那種感覺並不似在市區駕車一樣，眼睛覺得很舒服.

最後，小巴用了３０分鐘左右就駛抵上水總站．我覺得當作是新界的參觀也不錯

臨別

如無意外，考完試便正式讀完副學士了．這兩年，有得有失．
讀完以後怎樣走也不知道

臨別嶺南，多謝一群人接納我，亦多謝一群人在背後恥笑我
讓我有做得更好的原動力

為大家有片光明前途飲杯!

沉淪和墮落

copy from other's xanga

是這樣的。。。。
沉淪和墮落只是一線之差。曾經我以為我只是沉淪於其中，但是在別人眼里我已經在往下墜。
原來我一直都在走著一個大圓圈，圓圈永遠不會變成直線，里面最多只是會偶爾和幾個小圓圈交疊，但我最終還是要走回大圓圈裏，我走呀走呀走呀走，這個圈，我足足走了5年，前幾天，我終於醒了，我好像看到終點了，但是，這又代表什麼？這是一個圓圈，它是我的終點，也是我的起點.我還要再走下去嗎?
其實我寫這些,只是想告訴你們,我真的不想再走下去了, 你們幫我一把, 將那個圓圈咬回直線, 可以嗎?

剪片

呢排一味做剪片
剪到人都顛呀

學校有得直過dv果d機又燒唔到碟
唉,浪費時間

最後竟然要用usb手指黎儲存
唉

67x班人,唉

67x班人,唉,成日碌車,本來都唔係甚麼新聞了,不過我今日真的氣上心頭了.當我搭架67x碌出來的時侯,比人爬都好正常啦.當我落車的時侯,我見到部村巴原來跟到了.唉,早知等多陣,搭村巴好了,又平七毫,又快.(村巴通常20分鐘由嶺南出到西九龍中心,巴士快極都要35分鐘,你揀邊個?)

太古廣場三期行人隧道小遊記

通往太古廣場三期行人隧道開左啦,我都係今天先有機會行.如果由金鐘地鐵站出,照出太古廣場F出口,先落escalator,再向左邊出口,有指示寫明去太古廣場三期同星街.條隧道d裝飾幾靚.當然少不免會有廣告燈廂啦.條行人隧道係地下鋪左橙色LED燈,出奇地,我又唔覺得刺眼.行到接近太古廣場三期的出口,就上一條Escalator,有3間cafe 同一間Jumbo Grade,再轉多一條Escalator便到太古廣場三期地面.

成條隧道令人望落好舒服,亦都係好行.Swire的東西總給人一份信心,今次也不例外

二號客運大樓遊覽後記

果日有事入去機場,當然走左去二號客運大樓參觀一下.樓底果然夠高,內裏大部分的商鋪已開幕,我最有印象的是匯豐銀行,因為它在圍板裝修中.但值得高興的是不再開理財中心,係開分行,yeah.

二號大樓最底層是一個旅遊車總站.裝修也可以,設施,指示也很充足.

我個人認為今次的二號大樓準備比當年一號大樓好,當年一號大樓的慘況相信大家都不會忘記.

好耐無見的村巴

果日放學等呀等都未有67x出現,心諗好多人又無位坐啦.哈哈,好耐無見的救星來了,村巴呀,正呀!遠遠就見到車,拎定d銀仔出黎先.架車一停定,我第一個箭步標了上去,架車上左十人到就關門去下一站撈客.如我所料,屯門市廣場係最多客既,差唔多上滿晒,開車.架車今日未係好快,但好肯左穿右插,好過癮.同上次唔同,今次話係欽州街落,我可以係政府合署對面落,yeah,行少d.

村巴呀村巴,你fix定一個時間出現,我一定搭你架

原居民真係惡晒?

大家睇下錦繡花園單野就知.有錦繡花園街坊講，早年ｄ貨櫃場根本不存在,係有人改變土地用途轉做貨櫃場 (你估下合唔合法?).大生圍村民係同貨櫃場主每月對分租金收入.

今次城規／地政總署又潛水啦，出黎做野啦,
係原居民面前成隻死狗咁

笑死人的航運建議

減香港司機人工根本都無對正問題落藥,香港的運貨成本之所以比深圳貴300美金,原因係碼頭處理費太貴,只有減碼頭處理費香港的貨櫃碼頭才有生機.

至於高速鐵路一早就應該起條專屬通道,同樣,港珠澳大橋都要快d起,唔好再吹水.

2006 CHRISTMAS 之台北小遊行

呢篇文本應早D出街,但我懶打
_______________________________________
Day 1-2006/12/24

CX466去台北,準時落桃園機場
之後去酒店CHECK-IN
我住果間叫盛世王朝大飯店(即係以前假日環亞)
D房都OK,未算太大但也不小
周圍有STARBUCKS/老麥/PIZZA HUT/SEVEN/IKEA/
仲有意大利餐廳,日式火鍋
順帶一提,呢間係CHINA AIRLINES其中一間CREW入住的酒店
我果層有兩個

之後,走左去101
上左觀景台,美中不足係有霧,看夜景不太清
晚飯去了4樓CRYSTAL SPOON餐廳,果晚係食set dinner
每人要200港紙有多話雖如此,d野都幾好食,尤其係月亮蝦多士同杯冰奶茶
仲有一班服務幾好的員工,一定要比個good
之後就行去誠品信義店,果晚唔多人
不過時間所限,我只係買左一本書

Day 2-2006/12/25
起身食早餐,跟住去左國父紀念館,睇完,搭捷運落中山紀念堂.然後去總統府
之後打的直去故宮博物館.非常可悉的是, 故宮博物館有一半地方圍板,好似有大工程,令到可以睇的野少左好多.跟住我們打的去鼎泰豐食野 簡而言之,台灣鼎泰豐的食物確比香港鼎泰豐好味.之後再返酒店放低野,然後去士林夜市.d蚝仔煎好食,糯米腸都好食,.入面有一檔係賣花生麥牙糖果類.鋪頭名唔記得,但看檔果兩個都係後生仔,呢檔d野可以做手信. 去完士林夜市,打的返酒店訓

Day 3-2006/12/26
今日成十一點幾先起身,落街買左d街邊自製既小龍包,味道都ok .食完野,先行去捷運站,搭去淡水睇下漁人碼頭同條句橋.一落捷運,向住河濱公園行.之後調頭往捷運站的方向行,上R26巴士去漁人碼頭.請記住搭巴士途中唔好睡覺,因為臨到漁人碼頭之前,有一個大型觀景台,果度對正東海,d海景好靚架.
講返漁人碼頭本身,最多人去都係看日落同埋映相,我同意,所以映完相同食左少少野之後我就走左, 上R26巴士去捷運站.到了劍潭站,剛好有美麗華的shuttle bus,即上車,然後上摩天輪.今天勝在天夠清,近望中山交流道的車,中望松山機場飛機升降,遠望101一樣清楚.之後走去維格買手信,果d蛋糕係本人推薦. 之後再去新光心三越買野,見到亞里山烏龍茶,買,”尤”魚絲;買.夜晚走去杜小月食,d麵,燥肉飯好好食,不過果晚唔多人,亦無香港人,真係奇

Day 4-2006/12/27
今天再向誠品進發,買到差d無錢咁濟.但我依然有幾本書唔夠錢買.
之後落101個food court食野,都幾好食,又不是太貴.
之後返酒店拿行李等灰狗去機場.
去到機場先知國泰d電腦down 晒,要人手劃位,好在早到左
班cx401要930pm打後先落到地,成十點幾先拿baggage出閘

台灣的士

剛去完台灣，我搭得最多係的士，
下列係我的COMMENT:
車keep得好,
又多選擇

Nissan Teana->
最正呢架，有天窗，電動調較坐椅,好靜,比CAMRY還要靜
Toyota Wish->
呢架都OK,四個字形容:感覺良好
其他仲有ALTIS,323,LANCER,ELANTRA,CAMRY(呢3代都有),ACCORD,VOLVO S40,最遺憾係坐唔到MAZDA 6. 架MAZDA 6加隻大尾翼,好型.

佢地D車真係好好，又GPS又電視，而且係合法有8折,仲係大車隊,呢D值得香港同行參考下.

無網上真的斷六親?

無網上真的斷六親?係, 我一定話係.就像現在,一次地震震斷d電纜,上網速度大受影響.例如,我根本開唔到yahoo mail & live mail,就算上blogger主頁都load好耐,令人無心機去等.我原先想上photobucket upload 相,而家諗住:都係遲d先.

原本想講下台灣旅行有乜特別,不過都係留返下篇文先講,費事大家睇到一頭霧水.