台北高雄市長選舉

台北高雄市長選舉,國民黨和民進黨兩黨其實都沒有十足嬴面.高雄固然是,台北更加之係.我認為台北的國民黨候選人郝龍斌其實有暗湧,未必嬴硬,就算嬴,最多嬴幾千票,不會很多.我自己最討厭的宋楚瑜或許會分薄了一些票源.故此,一些游離票便會變得極之重要.我想兩大黨都會積極爭取這些票.

高雄是民進黨的其中一個根據地,民進黨有機會保到.國民黨優勢並不明顯.除了反貪腐外,他們還有多少籌碼?國民黨能否勝出,我很懷疑.

我想在這裏補充一點,民調不一定可靠.雖然台灣有各式各樣的民調,但數字不一定準.我們都知每個調查機構都有其立場,沒有100%中立.今次激烈的選情是用不上那些民調數字,因為沒有人有壓倒性優勢,民調由那間機構做,客不客觀,都不再重要了.現在我們只需靜心欣賞好戲便是.

有看過剛播完的一集(不是一個SEASON)的 WEST WING嗎?有看過的,便會明白我在說甚麼了.

此文章寫在2006/12/8的02:3x am,沽且看一下我估得對不對.

ITU WORLD 2006 後記

今次ITU WORLD 2006 真係幾抵睇,學生飛只需要90元.博覽館個場其實都唔算大,但樓底就夠高,有D 參展商就起D玻璃屋出黎來招呼VIP,我就無機會上去喇,不過有得拍照已經好心滿意足.

至於講有D乜野好睇,我就覺得呢D都幾主觀.例如我可以試用大唐的TD-SCDMA手機,仲有試埋個網絡,發覺質素在可接受水平之上.又例如,我試看過中國電信的IPTV--百事通.佢個操作方法都算簡單,亦有一定數量的頻道包括在內.中國電信的PROMOTER說,佢地鋪網已經係預留足夠頻寬以便使用HD.他們現同時提供HD和普通傳送兩種供用戶選擇,有兩種機頂盒分別比HD和普通傳送作接收之用.

至於一些日本公司,例如TOSHIBA,FUJITSU和MITSUBISHI ELECTRIC則在講解NGN,ICT是甚麼,對將來人們的生活有何用途.另一方面,他們又向大眾展示眾多3G手機.作為最先推行3G的國家之一,他們的手機增值業務運作成熟,DOCOMO的 I-MODE;仲有日本廠商的製機工藝,也值得其他廠商學習.

韓國的廠商,例如SAMSUNG和LG,則展示一些可以看電視的3G手機,同時一些網絡商,如SK TELECOM和KOREA TELECOM則展示GPS定位科技的應用.從他們的示範看,定位的位置準,相關軟件也算易用,對於我這類不太認識科技的人來說是一件好事.

至於歐美廠商較重視網絡建設和人的應用,例如MICROSOFT講下一代的WINDOWS MOBILE如何融合到手機,使一個人的生活更暢通無阻.雖然係比較概念性,但我都覺得幾有創意.另外有一PART我覺得係有創意的係HP 示範他們的一種DIGITAL MAP.他們結合了GOOGLE EARTH,使要搵路的人變得容易找對正確方向.

睇到呢度,你會問,ITU WORLD 2006 剩係得電話睇,無其他野睇?唔係,他們有講4G,有講WiMAX,不過我只係講我覺得有印象同覺得好睇既.

好了,終於解決了

呢幾天終於都清左d功課了,對我黎講負擔真是輕了不少.話須如此,但我仲有business個portfolio未解決,同埋benwong 份功課.

解決左d功課,還要留時間去溫書.大家努力啦!

做project

呢排又真係有幾多project要做,而家我一路打文都一路諗緊點樣做project將要交project 的有:Business,CMW拍片,同埋中文果500字.

之前CMW拍片我們 GROUP的第一個TOPIC拍出來D野亞SIR話麻麻,我地就轉TOPIC,都好既,而家個進度反而快左

其他果D,例如BUSINESS 要畫MINDMAP,上次亞SIR話我畫得簡單,我而家都諗緊好唔好重新再畫.

后海灣幹線百萬行之後記

一去到兆康西鐵站準備轉輕鐵到泥圍站落車.嘩,成個月台都係去百萬行d人,用壯觀來形容貼切不過.落車,反反覆覆行到起步點.原來個人參加的可以隨時起步,咁就起步喇.用了一小時左右就到左后海灣幹線同深港西部通道的交匯.同時,果度亦都係截住d人調頭/影相位.雖然空氣不好,但都隱約見到蛇口區小部分住宅.回程都用左一個鐘,兩程合共兩小時多少少.

30x在做甚麼?

呢排我自己搭多左30x,發覺好似多左新車行(車牌是mm字頭的),但有時又有d舊車行,即係點?作為乘客,肯定想佢用新車,但我反而想佢d班次準時多d, 因為30x的班次非常飄忽,可以40分鐘才有一班車.

解決了,還是未解決?

呢排好多野做,所以好少打文上來

德文堂上完了,試都考左,但係覺得自己好似狀態不足,好多basic野都唔記得.考得好又覺得幸運,考得不好又覺得對不起父母,那種感覺很怪.

中文的present還在準備,media 那個訪問真係做得差,我自己都無心去睇

至於GEB果個PRESENT,哈哈

台灣局勢

台灣局勢到了琴今天其實已經到了一個很璧壘分命明的局面,就是要亞扁下台.可是亞扁會那麼輕易下台嗎?不會

為甚麼呢?大家從傳媒的報道都知道亞扁是如何從一個律師攀到總統之位,即使施明德用各種各樣的方法要亞扁下台也不會成功的施明德背後沒有包伏,但亞扁還有總統兩字在後.現階段亞扁如果不再生事,即使其他陣營提出總統罷免案也不會通過.

亞扁只要把餘下任期完成就可以了.到時,民眾會支持哪黨哪人?Who knows?政治是天天都在變的.

下雨天,67m的變化

2006/9/12,這一天早上下雨,67m依舊為人民服務,在我眼中沒有太大的變動.卻原來,下雨的變化改變了我對67m的觀感.

在我眼中,這一條碌車線今天顯得不一樣.今天坐的車已經不是日常坐的常用車,而是另一部剛換入不久的車.一上車,忙著整理雨傘,也沒在意有人在叫我,叫我的那人是車長,他說,請替我打回站頭,屯門公路和荃灣路的交匯有車相撞,說x車(67x)班次會受影響.第一次我是撥通了站頭的,但很奇怪,站頭那一邊沒有回應,但也沒主動收線.

第二次我一樣撥通了站頭,這次站頭那一邊有回應,意識到不是說笑,說了一聲唔該便收線.在路上,車長還對我說,這車從葵芳總站不載客開出,再到荃灣上客返屯門.我在想,難怪少了那麼多嶺南大學的學生和上班族在車上.有一位乘客表示,這班車其實較原定時間遲了25分才到達.

到我要下車的時侯,車長向我揮手道謝,又說,你的同學們今天大多要遲大到.事實亦証明了車長說的對,平常準時的同學今天也遲到了.

回到家,我發覺有時候自己的思考角度不夠廣.從今天的事上我想我又會替別人想多一點.

戀愛真的使人失去理性嗎?

戀愛真的使人失去理性嗎?我不是胡說的,而是有感而發.

上一個學期,某位女同學與某位男同學拍拖,這本來是一件很平常不過的事情.可是,這個暑假完了以後,這位男同學不見了人,女同學明顯地心不在焉,失魂落魄一樣,上課時無心機.

雖然我是外人,但有時侯人的行為舉止會反映得一清二楚她的心在想甚麼.

公德

昨晚在沙田搭８１出九龍,有８個後生仔女係新城市個站上車　（６男２女）一路上，成班人大聲講野，真係好嘈好嘈嘈到有幾個女人擰頭”啤”住佢地但佢地依然故我，繼續大聲講野到我落車果陣都仲未嘈完 究竟而家ｄ人知唔知公德為何物?

我看日落條款

日落條款其實係一條邊執行,再看有甚麼可以改善的法律.本意係幫一d不完善的法律頂住空隙,費事比人challenge.而家政府夾硬去馬,將來肯定比長毛挑戰,仲要唔只一次.

除此以外,看日落條款審議時還看到一d野:

• 劉江華那種忠心護主的表現
• 李少光不停迴避議員問題
• 傳媒企圖淡化整件事

點解會出現呢d現象?大家可以思考一下

剛過去的三號風球

剛過去的三號風球,真係風力強勁,我就完全唔明點解唔掛八號

3/8下午我先搭E42入東涌,在城隧公路已見有大樹倒下,部分樹枝更壓住私家車.到青馬橋已經要行下層,但好在行北嶼高速就唔係好大風.相反.放工時間搭E21出旺角,架車一上公路就比風狂吹,吹到搖來搖去.去到欣澳站更加有車龍原來整條青嶼幹線封晒上層（通常八號波至會咁）我架車行下停下，終於用左３５分鐘先到青華苑入機場方向.

回說三號幹線的龍尾.入機場方向，龍尾有兩條.一條在長青隧道出口,另一條在汀九橋的轉青馬橋的右灣位

若果天文台一早掛八號，肯定無咁多車塞埋一齊

962B

禮拜六搭左一程962B,真的是聞名不如見面.

果日坐果架係靚野,車長又渣得快.雖然係公路上只係過左兩架巴士,但全程只用了20分鐘就由金鐘到深井碧堤半島,我就好滿意了.

有機會搭多次先

捷達豪,你好!

剛過去的星期日我又遊車河,先坐102.原先諗住坐落太古轉車,點知車頭班細路發出的嘈音越來越大,我就提早在維園下車,轉671/681/690 過海. 5分鐘之後,黎左架681.部車無力又慢,唉,仲要在東隧被困,因為有壞車頂住行唔倒.之後部車用2250rpm+70km/h一路入馬鞍山,慢到..唉.

我在馬鞍山中心落車,行去雅典居對面諗住影681入灣.我在遠處已見有城巴入站,有足夠時間比我set機.第一部九巴比車阻,無影到.之後我見到湖水藍玻璃的城巴,第一時間想起捷達豪.但此車不是去左非專利的嗎?

跟住我行去新港城終站睇清楚,一大堆非專利的客運證無晒,坐椅換上真正的頭枕,換埋北區車專利的牌布,不過d扶手就變成紅黃混合,我就覺得麻麻地好睇.

車好靜,無乜人講野,就算係有都係好細聲果種,正!Around 40分鐘的清靜旅程,正!果時真係好唔捨得落車.呢部車下午4點幾入左中環總站之後,竟然唔開搞私牌等做6點鐘果輪,失望.最後我搭地鐵走.

小朋友生日了

我的小朋友岩岩過左生日,佢同我一起客吃了自助餐.小朋友難得不用走上走落,於是我同小朋友前後食左兩次

小朋友係無飯癮,其他擺得入口的都食.因此,歸類為豬比較恰當.煙三文魚,蠔,青口,意粉,冷麵,tiramisu,楊枝甘露,燒羊肉.........這只是一小部份的食物而已.

我就趁小朋友食雪糕果時,影低左佢個豬樣,真的很可愛呢

好運的一天

今天的運氣幾好

首先比我見到有部金MAN(JV762) 行39M,我都知呢D係屯門M線的過鐘攝車.雖則我無份搭,但見過都好心足,之後架JV762私牌落返荃灣地鐵站,我就映左張相,不過有少少手震.

跟住坐左905R入嘉湖影相,來了部#178,個冷氣非常之凍,行車表現都OK.一落車,我發覺我兩部相機個鏡頭都好潮濕,抹左一次,等一陣又多一D霞氣.

至於收穫嘛,有既,終於都影到張我認為比較像樣的相,今日影的相雖然都有手震,但無論係震動幅度抑或有手震的相都比以前少.影相果時,仲有車長故意收慢比我影,咁我都要做返個"唔該你"的手勢.

影影下相,開始下小雨,咁我就站在有蓋的巴士站下避雨,場雨好快就下雨,又繼續影.影左一陣,我搭902R走,一上車都未落雨,架車一轉灣出天華路就傾盆大雨,一直行到博愛左右先停雨.

城巴嘉湖線

若果不是城巴嘉湖線要取消的話,我想我也不會到天水圍去.

很多年無入去,路複雜左,難認左,我都要帶返本地圖先得.我當年坐901R入樂湖居,原因係老爸被調派往天水圍工作.那個年代,901R可說是最高級享受,坐的是簇新冷氣車,又少停站,相比那時的64M和69M真係快一大截.正!

隨著時代變遷,城巴的嘉湖線越做越縮,而且仲要取消.如果有人見到我在天水圍影城巴嘉湖線,不用感到意外,我會把握時間,影多幾張做個留念.

居港權人士

居港權人士,你地真係爭唔落呀!

沒錯,你們是有權利去爭取你們的子女盡快來香港,但你們今天的所作所為又會令你們再被標籤為一群搞事分子.自那次入境處綜火案後,本來漸趨平淡的爭拗會再變得活躍,要取得其他香港人對你們的信任可說是難上加難.

爭取自己的權益方法有很多種,是否每次都要以自己的性命來做代價?假若你真的用這方法爭取權益而死亡.你的家人有甚麼感覺?其他人又會有甚麼感覺?你死了以後,你的家人是否馬上可以來港?

自己好好想想吧!

非專利的無恨晞噓

城巴的嘉湖系非專利線會在2006年7月1日起全部取消.我覺得有點晞噓.

為何會這樣說呢?當年城巴的非專利線非常多人搭,車新又靚,線路又多;第一城,TVB,仲有嘉湖,置樂等可以說是遍地開花,繁榮非常.

但好景不常,非專利越做越縮,現在只剩下第一城和火炭午飯線之外都好似無乜,唉,真的有點晞噓

深圳1小時遊+感想

今日幫人拿東西由機場上深圳,坐中旅,D車ok ,第一部scania,嫌慢;第2部坐返一般的coaster,都ok.要彈係中旅的轉車安排,完全浪費時間,我行天橋過去跟住打的仲快.

多年沒有返深圳,覺得個別消費娛樂交通比以前都有進步,唯一不變的治安麻麻同好Q塞車.我由皇崗坐去羅湖萬象城,竟然坐左差不多一個鐘,唉...............

今次坐埋深圳地鐵,覺得似坐緊廣州地鐵2號線.車好似一樣,月台幕門亦是.不過佢有一樣比廣州地鐵做得好,就是指示清晰.出口指示比我們九鐵的尖東站還要清楚.

至於你問我會唔會因為有條印象幾好的深圳地鐵而成日上深圳?我的答案是不會.因為深圳的治安仍未給人足夠的信心.

花樣中年

大家有無睇花樣中年呀?

呢套戲其實個劇本寫得好好,照我的觀察大家都認為劇本夠到肉,刻劃他們內心的想法.如果你有30歲或以上,你應該睇過一齣電影叫作<<小男人周記>>,你會覺得似曾相識.我不是說TVB在抄,但那種相似感覺濃得化不開.

花樣中年隻背景音樂好正,幾經辛苦先知隻歌叫LA VIE EN ROSE,法文歌來的,由EDITH PIAF創作.

FM1052

我想信好多人一路溫書都會聽下音樂輕鬆下,我想信我也不例外,但我喜歡聽收音機多一點.

我自己比較喜歡聽881,仲有羊城交通台(fm105.2),不過羊城交通台要上網先有得聽.羊城交通台的網址是www.fm1052.com.cn/live1052/

點解我說喜歡聽呢?因為兩個台的交通報道非常容易明白,一聽就明.尤其羊城交通台的信息又快又多, DJ們講得又快又易明.某程度上,聽他們報交通,當作練口材是一個很好的訓練.

5月的計劃

5月的計劃:

1. 溫好書,預備 final exam
2. 好想返大陸試下部朱古力電話.試完之後,我或者會換左部M800,在D528或者朱古力機中選擇.

與老師的合照

昨天(2006/4/28), 係我地LCE002最後一堂,咁好自然想影返張相.我原先諗住同D同學影,不過佢地走得好快,無得影,咁我就同MISS影啦.

哈哈,MISS又幾好人,肯同我影,我而家收好左張相了.

世界是平的

拖拖拉拉，終於看完世界是平的這本書

這本書說的很簡單，是說當今科技發達，國家之間的區別已經很小。一台電腦，一個GOOGLE就已經把地球間變成一個平面，大家有著相同的競爭平台，如果你不想被淘汰，你應該自我增值.

全書有幾點係寫得好睇.有一部分佢講WAL-MART的供應鏈是如何運作,仲有講DELL,FORD,UPS等企業如何管理自己的物流,
寫得很好看,給一些入門者一個初步的理解

仲有,作者提到外判越來越常見,某程度上也加劇了國與國之間的競爭.例如他說出印度有著大量人材和土地,吸引了很多美國公司在此投資或者外判後勤服務到此.

看完本書後,我認為人應該要自我增值這個想法是沒有錯的,若你競爭曆不足,沒人可憐你.

4月的元朗公路

今天再上征途,視察視察.結果如下:

• 往屯門方向路面,修路所造成的急灣仍然多,近桃園圍和后海灣幹線都是要慢車,虎地出口依然要慢,睇怕有排整.

• 相反往元朗方向,大部份路面已經3線行車,只是無得用路肩. 整段路都ok, 除了元朗出口果度,中慢線有一忽鋪得唔平.

泥錳的士

早幾天，我原本要搭44小巴往上水，可是等了很久也沒有車.不久，有個的士司機向我叫：15蚊，市中心仲有幾十人在等。於是，我跟司機上車。我跟一個男人坐在車頭，坐得不算太擠逼。我已把車牌記下，有需要我會CALL這類車.

Now財經台

好野,等都等到Now財經台開了.暫時睇落未有太大特色,個介面同CNBC一樣,只是中文化而已.我覺得最好睇是每晚八點的大鳴大放,有李鵬飛,李燦榮,李彭廣和張立作主持.每天請嘉賓上來發表意見.

遲D睇埋其他節目先再比意見

總裁獅子心

本書終於拿到了,只需四十多元,很便宜呀.

1997年,這本書在台灣出版,到了今天,已賣了超過五十萬本.

這書或許已有很多blogger看過,但我還是想說說.這書是講述作者嚴長壽當上台灣一間酒店的總裁之後如何用種種方法提升酒店的形象和收入.

不過,我都係未有時間睇. why? 因為我仲有一大堆功課未做,中文閱讀報告,英文project,中文project, holyshit!

投資組合

我現在正在籌備把我的投資組合組合重整，把我的錢用的更好,我把絕大部分錢放在股票上，我覺得好像孤注一擲，分配不公，於是我把錢放在銀行裏，再重新投入錢．

我現在有多少身家 ? 不說給你聽 !

村巴再來了

前晚我又搭村巴出九龍
不過，它開車的時間則早了。在1815來到巴士站
今天，它沒有那麼多客
所以坐得舒服一點

今天它的速度比較慢，但仍在可接受水平

3月第一文

呢兩日開始落雨了,好事來的,空氣驟眼看沒有那麼污濁了.

呢排開始多功課做了,所以好少寫
我諗整個3月都會是這樣.

日本女人

今晚去吃晚飯,見到2個日本女人,
嘩..............

有一個比較粗魯,一個比較文靜.佢地一坐低,每人先要一罐生力, 跟住點左幾個 食送. 比較文靜果個坐我斜對面.佢睇落30+,有化妝但唔厚,個樣係一個好典型的日本女人.比較粗魯果個都應該係30+, 但個樣就不太似日本人,似韓國人多一點.

佢地飲左d酒之後,情緒開始高漲喇,我隔離果個開始大聲講大聲笑,文靜d果個就無笑得咁多.

果晚,我個人可說是元神出竅,因為有一種怪怪的感覺在我腦內徘回----聰明的你,睇到呢度應該估到我想講乜啦,可?

再談元朗公路

早兩日搭261又係為左睇下佢整成點,得出的結果如下:

• 路面大部份都鋪上了瀝青,劃線凊楚
• 竟然有少部份新路不設路肩,咁同無擴闊有乜分別?
• 有D路係可以4線行車,有D係3線行車,大家必需小心
• 往屯門方向由后海灣幹線接駁橋至桃源圍一段成日改路,非常容易有意外,請小心
• 路牌指示雖比以前好,但不是最佳

總結:我會過多2-3個月去坐多次261視察

出外旅遊很危險?

直到我打blog的一刻,埃及又有關於船的事故,有人死有人傷有人失蹤;之前就香港旅行團撞車,14人死.

其實,出外旅遊同返大陸差不多,買定保險,影印多幾份身份証和passport的副本,寫低緊急聯絡和求助電話咁就包無衰了.

藍海策略BLUE OCEAN STRATEGY

呢幾日買左本書.中文名唔記得了,但清楚記得"藍海策略BLUE OCEAN STRATEGY"呢幾隻字.本書封面真是一個藍色的汪洋大海.

咁佢究竟講乜?簡單講,其實係講一些企業究竟如何用獨有的思維殺出叢圍(紅海),創出一片新天地(藍海).

呢本書D例子唔難明白,同埋佢用的文字都好淺白,大家都應該無問題.

買電話

早幾日有人想我比意見買手提電話,我比左幾個選擇,Nokia 6101,Samsung X150,結果佢揀左部Samsung.原因:很漂亮的彩mon ,美麗的外觀和輕巧的機身.但我自己覺得此機的功能幾少,連內置遊戲也沒有,但呢部機卻有GPRS同40和弦,真費解.